எல்லாவற்றையும் இனி சொல்வேன்: எம்.எஸ்

30.11.14

மஹிந்த ராஜபக்ஷவுக்கோ அல்லது அவரது தனிப்பட்ட குடும்பத்துக்கோ நான் ஒருபோதும் எதிரியல்ல. ஊழல், மோசடி, அநியாயம் மற்றும் குடும்ப ஆட்சி ஆகியவற்றுக்கு எதிராகவே எதிரணியின் பொது வேட்பாளராகத் தீர்மானித்தேன் என்று மைத்திரிபால சிறிசேன தெரிவித்தார்.
தற்போதைய ஜனாதிபதி, மூன்றாவது முறையாகவும் ஜனாதிபதியாகத் தெரிவானால், நாட்டிலுள்ள அனைத்து அரசியல் கட்சிகளையும் இல்லாதொழிக்க தீர்மானம் செய்துள்ளார் எனவும் அவர் குறிப்பிட்டார்.
தனது முதலாவது பிரசார கூட்டத்தை பொலன்னறுவையில் இன்று ஞாயிற்றுக்கிழமை (30) ஆரம்பித்த மைத்திரிபால சிறிசேன அங்கு தொடர்ந்தும் கூறியதாவது,
 'ஜனாதிபதி மஹிந்த ராஜபக்ஷ, நான் உங்களை தனிப்பட்ட ரீதியில் எதிர்க்கவில்லை. உங்களது குடும்பத்துக்கு எதிராகவும் தனிப்பட்ட ரீதியில் கோபம் இல்லை. உங்களது ஊழல், மோசடிகள், அநியாயம், குடும்ப ஆட்சி மற்றும் நிறைவேற்று அதிகார ஜனாதிபதி முறை ஆகியவற்றையே நான் எதிர்க்கிறேன்.
இந்த நாட்டிலுள்ள அனைத்து அரசியல் கட்சிகளையும் இல்லாதொழிப்பதற்கே மஹிந்த ராஜபக்ஷ தீர்மானித்துள்ளார். நான் அனைத்து விடயங்களையும் அறிவேன். எனக்கு தெரிந்த பலவற்றை, எதிர்காலத்தில் தெரிவிப்பேன்' என அவர் மேலும் கூறினார்.

0 கருத்துக்கள் :