ஆங்கிலேயர் ஒப்படைத்த தமிழர்களின் நாட்டை சிங்களவர்கள் திருப்பித் தர வேண்டும்! - இரா.சம்பந்தன்

14.2.16


ஆங்கிலேயர்களால், சிங்களவரிடம் கையளிக்கப்பட்ட தமிழர்களின் நாடு மீண்டும் தமிழர்களுக்கே கையளிக்கப்பட வேண்டும் என்று தமிழ்த் தேசியக் கூட்டமைப்பின் தலைவர் இரா.சம்பந்தன் தெரிவித்துள்ளார். திவயின சிங்கள வார இதழுக்கு அளித்துள்ள நேர்காணலிலேயே அவர் இதனைத் தெரிவித்துள்ளார்.
    
இந்தநாடு கடந்த ஒரு தசாப்த காலமாக சர்வதேச மட்டத்தில் தனிமைப்படுத்தப்பட்டு, ஒதுக்கப்பட்டிருந்தது. போர்க்குற்றங்கள் மற்றும் மனித உரிமை மீறல்கள் தொடர்பில் நியாயமான விசாரணை நடத்தப்பட வேண்டும் என்று ஜெனீவாவில் இணக்கப்பாடு கண்டதன் அடிப்படையில் தற்போது இலங்கை மீண்டும் சர்வதேச கௌரவத்தை பெற்றுள்ளது. எனவே இது தொடர்பாக அனைவரும் ஏற்றுக் கொள்ளத்தக்கதான நியாயமான விசாரணை நடத்தப்படுவதன் ஊடாக மட்டுமே இலங்கை தனது கௌரவத்தை தொடர்ந்தும் தக்க வைத்துக் கொள்ள முடியும்.
நாம் அனைவரும் இலங்கையர் என்பதில் கருத்து வேறுபாடு இல்லை. ஆனால் இனத்துவ ரீதியில் தனித்துவமானவர்கள். அதன் காரணமாக தமிழர்களுக்கு தனியான பிரதேச சுயாட்சி வேண்டும். அதற்கு ஈடான அதிகாரத்தை ஏனைய சிங்களப் பகுதிகளுக்கும் வழங்குவதில் தவறில்லை. அந்நியர் இந்நாட்டை ஆக்கிரமிக்க முன்னர் இந்நாட்டு கண்டி ராஜ்ஜியம், கரையோர ராஜ்ஜியம், தமிழர் ராஜ்ஜியம் என மூன்று தேசங்களாக ஆளப்பட்டிருந்தது. 1833ம் ஆண்டு ஆங்கிலேயர் ஒட்டுமொத்த நாட்டையும் ஒரே தேசமாக மாற்றி அமைத்தனர்.
அதன் பின்னர் இலங்கைக்கு சுதந்திரம் வழங்கப்படும் போது தமிழரின் நாடும் சிங்களவரின் கையில் கையளிக்கப்பட்டுவிட்டது. அதனையே இப்போது நாங்கள் திருப்பிக் கேட்கின்றோம். சமஷ்டி அடிப்படையிலான தீர்வின் மூலமாக நாங்கள் தொடர்ந்தும் சிங்களவருடன் சேர்ந்து வாழவே விரும்புகின்றோம் என்றும் சம்பந்தன் தனது நேர்காணலில் தொடர்ந்தும் வலியுறுத்தியுள்ளார்.
 
READ MORE - ஆங்கிலேயர் ஒப்படைத்த தமிழர்களின் நாட்டை சிங்களவர்கள் திருப்பித் தர வேண்டும்! - இரா.சம்பந்தன்

தலைவர் பிரபாகரனின் மகள் துவாரகா பிறந்த இடம் தெரியுமா?

விடுதலைப்புலிகளின் தலைவர் வேலுப்பிள்ளை பிரபாகரனின் மகள் துவாரகா நுவரெலியா போதனா வைத்தியசாலையில் பிறந்ததாக தகவல் ஒன்று வெளியிடப்பட்டுள்ளது.
1989ஆம் ஆண்டு துவாரகா நுவரெலிய வைத்தியசாலையில் பிறந்தபோது அவரை பராமரித்ததாக கூறப்படும் சிங்கள மருத்துவ மாது ஒருவர் இந்த கதையை கூறியுள்ளார்.
ஜேவியின் கிளர்ச்சி இடம்பெற்ற காலக்கட்டத்திலேயே இந்த சம்பவம் இடம்பெற்றதாக அவர் கூறியுள்ளார்.
இது தொடர்பாக குறித்த மருத்துவமாது பெண் கருத்துரைக்கையில்,
ஒரு வியாழக்கிழமையில் வைத்தியசாலையில் பிள்ளைப்பேறுக்காக அனுமதிக்கப்பட்ட மதிவதனி என்ற பெண், சனிக்கிழமையன்று பெண் குழந்தை ஒன்றை பெற்றெடுத்தார். அவர் தமது முதல் பிள்ளை ஆண்பிள்ளை என்று கூறினார்.
மதிவதனி வைத்தியசாலையில் பிள்ளைப்பேறுக்காக அனுமதிக்கப்பட்டபோதும் யாரும் அவரை வந்து பார்க்கவில்லை. இந்தநிலையில் அவர் வைத்தியசாலையில் வழங்கப்பட்ட உணவையே உண்டு வந்தார்.
இதன் பின்னர் அவரை பார்ப்பதற்காக கண்ணாடி அணிந்த ஒருவர் வந்து சென்றார். அவர், பார்ப்பதற்கு நுவரெலியாவை சேர்ந்தவர் போன்று காட்சியளிக்கவில்லை. யாருடனும் அவர் அதிகமாக பேசுவதில்லை. வெறுமனே புன்னகையை மட்டும் காட்டுவார் என்று மருத்துவ மாது தெரிவித்துள்ளார்.
இந்தநிலையில் பெண் குழந்தை கிடைத்த பின்னர் குறித்த பெண்ணான மதிவதனியை நுவரெலியா வைத்தியசாலையில் இருந்து வன்னியின் வைத்தியசாலைக்கு இடமாற்றியதாக மருத்துவ மாது
 குறிப்பிட்டுள்ளார்.
இத்தனை நடந்த போதும் தமக்கு குறித்த பெண் யார் என்பது தெரியவில்லை. எனினும் இவையாவும் இடம்பெற்ற சில நாட்களின் பின்னர் வைத்தியசாலைக்கு வந்த புலனாய்வுப் பிரிவினர் கடந்த இரண்டு வாரங்களாக வைத்தியசாலையில் தங்கி குழந்தைகளை பெற்றெடுத்தவர்களின் பட்டியலை கேட்டபோதே உண்மை தெரியவந்தது.
இதன்போது அவர்கள் காட்டிய புகைப்படத்தை கொண்டு குறித்த பெண்ணான மதிவதனியை பார்க்க வந்தவர் பிரபாகரன் என்று நினைக்கத்தோன்றுகிறது என்று மருத்துவ மாது
 குறிப்பிட்டுள்ளார்.
முன்னர் நுவரெலியாவில் இருந்த போது தமிழர்கள் மத்தியில் இந்த கதையை சொல்வதற்கு தாம் தயங்கியதாகவும், தற்போது வவுனியாவில் சிங்கள மக்களுடன் வாழும் நிலையில் இந்த
 கதையை சொல்ல தயங்கியதாகவும் குறிப்பிட்ட முன்னாள் மருத்துவ மாது, இது பெறுமதியான கதை என்பதால் கூறுவதாக தெரிவித்துள்ளார்.
 
READ MORE - தலைவர் பிரபாகரனின் மகள் துவாரகா பிறந்த இடம் தெரியுமா?

மைத்திரி-ரணில்-விக்கி உறவில் தொடர்ந்தும் விரிசல்!

வடக்கின் முதலமைச்சர் விக்னேஸ்வரனுக்கும் கொழும்பின் மைத்திரி - ரணில் அரசாங்கத்துக்கும் இடையிலான முறுகல் தொடர்ந்தும் நீடிப்பதாகவும், தற்போது அது பெரிதாகியுள்ளதாக இந்திய செய்தித்தாள் ஒன்று தகவல் வெளியிட்டுள்ளது.

ஏற்கனவே தமிழ்த் தேசியக்கூட்டமைப்புடன் கொள்கை முரண்பாட்டை கொண்டிருந்த விக்னேஸ்வரன், 2015 டிசம்பரில் தமிழ் மக்கள் பேரவையை தோற்றுவித்ததன் பின்னர் அந்த முரண்பாடு வெளியில் தெரியவந்தது.
தமிழ் மக்கள் பேரவையின் கொள்கையும் தமிழ்த் தேசியக் கூட்டமைப்புக்கு எதிரானதாகவே இருந்தது.
இந்தநிலையில் மத்திய அரசாங்கத்துடன் ஒத்துழையாத விக்னேஸ்வரனின் செயற்பாடுகள் தொடர்வதாக இந்திய செய்தித்தாள் தெரிவித்துள்ளது.
இதற்கான ஆதாரங்களாக, அமைச்சர் மங்கள சமரவீர கடந்த வாரம் யாழ்ப்பாணத்தில் நடத்திய நிகழ்வுக்கு விக்னேஸ்வரன் செல்லவில்லை.
அதேநேரம் வடக்குமாகாண ஆளுநர் பளியக்கார பதவி விலகல் நிகழ்வின் போதும் விக்னேஸ்வரன் இரவுபோசனத்தில் பங்கேற்கவில்லை என்பவை சுட்டிக்காட்டப்பட்டுள்ளன.
இந்தநிலையில் விக்னேஸ்வரனின் ஆதரவாளரான வடக்குமாகாண அமைச்சர் ஐங்கரநேசனுக்கு எதிராக சபையின் தமிழ்த் தேசியக்கூட்டமைப்பினர் நம்பிக்கையில்லா பிரேரணை ஒன்றை முன்கொணரவுள்ளதாக கூட்டமைப்பின் தரப்புக்கள் தெரிவித்துள்ளன.
READ MORE - மைத்திரி-ரணில்-விக்கி உறவில் தொடர்ந்தும் விரிசல்!

தமிழரின் கதாநாயகன் பிரபாகரனே!

13.2.16

விடுதலைப் புலிகளின் தலைவர் பிரபாகரனே வடக்கிலுள்ள தமிழ் மக்களின் கதாநாயகனாக இருந்தார் என்று முன்னாள் பாதுகாப்புச் செயலாளர் கோத்தாபய ராஜபக்ச தெரிவித்துள்ளார்.


ராஜபக்ச ஆட்சியை வெளிப்படையாக கண்டிக்கும் வகையிலேயே. மக்கள் உங்களைத் தோற்கடித்தனர் என்று நினைக்கிறீர்களா என்று கொழும்பு ஆங்கில ஊடகம் ஒன்று எழுப்பிய கேள்விக்குப் பதிலளித்த போதே அவர் இவ்வாறு கூறியுள்ளார்.


வடக்கு மாகாணத்தில் தேர்தல் முடிவுகளை ஆய்வு செய்தால், மகிந்த ராஜபக்சவுக்கு எதிராக மக்கள் வாக்களித்தனர். இது ஒன்றும் ஆச்சரியமில்லை.


விடுதலைப் புலிகள்  தோற்கடிக்கப்பட்டமை இதில் கடுமையான தாக்கத்தை ஏற்படுத்தியது. அங்குள்ள மக்கள் பிரபாகரனால் மூளைச்சலவை செய்யப்பட்டவர்கள். அங்குள்ள மக்களின் கதாநாயகனாகவே பிரபாகரன் இருந்தார்” என்றும் அவர் தெரிவித்துள்ளார்.
READ MORE - தமிழரின் கதாநாயகன் பிரபாகரனே!

மாணவர்களுக்கு போதைப் பொருள் விற்பனை செய்த 2 மருந்தகங்கள் சுற்றிவளைப்பு

12.2.16

வெலிமட நகரில் நீண்ட காலமாக பாடசாலை மாணவர்கள் மற்றும் இளைஞர்களுக்கு போதை மாத்திரை விநியோகித்து வந்த இரு மருந்தகங்கள் இன்று வெலிமட பொலிஸாரினால் சுற்றிவளைக்கப்பட்டுள்ளது.
பதுளையிலுள்ள உணவு முகாமையாளர்கள் மற்றும் விசேட அதிகாரிகள் ஆகியோரின் உதவியினால் பொலிஸார் இந்த சுற்றிவளைப்பை மேற்கொண்டுள்ளனர்.
வைத்திய சிபாரிசு எதுவும் இன்றி மிக நீண்ட காலமாக இந்த போதை மாத்திரையை இக்கடைகளில் விநியோகிக்கப்பட்டு வந்துள்ளது. மன நோயாளர்களுக்கு வழங்கப்படும் மருந்து மற்றும் கடும் நோவு தடுப்பு மாத்திரை என்பனவே இவ்வாறு விநியோகிக்கப்பட்டு வந்துள்ளதாகவும் பொலிஸார் குறிப்பிட்டுள்ளனர்.
இந்த இரு மருந்தகங்களுக்கும் எதிராக வழக்குத் தொடரப்பட்டுள்ளதாக தெரிவிக்கப்படுகின்றது.
READ MORE - மாணவர்களுக்கு போதைப் பொருள் விற்பனை செய்த 2 மருந்தகங்கள் சுற்றிவளைப்பு

யோஷித்த ராஜபக்ஷவுக்கு சிறைச்சாலை விதிகள் தளர்வு!

சிறைச்சாலைக் கைதிகள் அனைவருக்கும் பொதுவான கட்டுப்பாட்டு விதிகள் யோஷித்த ராஜபக்ஷ விடயத்தில் முற்றாக தளர்த்தப்பட்டுள்ளதாக தெரிய வந்துள்ளது.

சீ.எஸ்.என். தொலைக்காட்சி நிறுவனத்தின் ஊடாக பணச்சலவை குற்றச்சாட்டுக்கு இலக்காகியுள்ள யோஷித்த ராஜபக்ஷ தற்போது கொழும்பு ரிமாண்ட் சிறைச்சாலையில் தடுத்து வைக்கப்பட்டுள்ளார்.
அங்கு அவர் ஏனைய தடுப்புக் கைதிகளை விட சுதந்திரமாக சுற்றித் திரிவதுடன், விசேட ப்(f)பான் வசதி , தூங்குவதற்கான மெத்தை என்பவற்றையும் பெற்றுக் கொண்டுள்ளார்.

அத்துடன் சிறைச்சாலையிலிருந்து நீதிமன்றத்திற்கு கொண்டு செல்லப்படும் போதும், மீண்டும் சிறைச்சாலைக்கு அழைத்து வரப்படும் போதும் அனைத்துக் கைதிகளுக்கும் கைவிலங்கு மாட்டப்பட்டிருக்க வேண்டும் என்பது சிறை விதியாகும்.
இந்த விதியும் யோஷித்த விடயத்தில் அப்பட்டமாக மீறப்பட்டுள்ளது. கடந்த 11ம் திகதி அவர் நீதிமன்றத்திலிருந்து சிறைச்சாலைக்கு அழைத்துச் செல்லப்பட்டபோது பெயரளவுக்கு கையில் விலங்கு மாட்டப்பட்டிருந்ததுடன், அது சாவி கொடுத்து பூட்டப்பட்டிருக்கவில்லை. இதுகுறித்த சமீப காட்சிப்படம் ஒன்று சிங்கள ஊடகம் ஒன்றில் வெளியாகியுள்ளது.
சரிவர பூட்டப்படாத விலங்கு யோஷித்தவின் உள்ளங்கைப் பகுதியில் அழுத்திக் கொண்டிருப்பது குறித்த புகைப்படத்தில் தெளிவாக காணப்படுகின்றது.
இந்நிலையில் இது குறித்து பல்வேறு தரப்பினரும் விமர்சனங்களை வெளியிட்டுவருகின்றனர். நாட்டின் சட்டங்கள் நபர்களின் செல்வாக்கைக் கொண்டு மீறப்படுவதானது நல்லதன்று என்றும் அவர்கள் கருத்துரைத்துள்ளார்கள்.
READ MORE - யோஷித்த ராஜபக்ஷவுக்கு சிறைச்சாலை விதிகள் தளர்வு!

அனு­ம­தி­யின்றி பிர­வே­சிக்கும் வெளி­நாட்டு படை­யினர் சவப்­பெட்­டி­களில் திரும்ப நேரிடும்

9.2.16

சிரிய அர­சாங்­கத்தின் அனு­ம­தி­யில்­லாமல் அந்­நாட்­டுக்குள் பிர­வே­சிக்கும் வெளிநாட்டுப் படை­வீ­ரர்கள் சவப்­பெட்­டி­களில் திரும்ப நேரிடும் என சிரிய வெளி­நாட்டு அமைச்சர் வாலித் அல் – முயல்லம் எச்­ச­ரித்­துள்ளார்.
சனிக்­கி­ழமை இடம்­பெற்ற ஊட­க­வி­ய­லாளர் மாநாட்டில் உரை­யாற்­று­கையில் சவூதி அரே­பி­யா­வுக்கு எச்­ச­ரிக்கை விடுக்கும் வகையில் அவர் இவ்­வாறு தெரி­வித்­துள் ளார்.

சிரி­யாவில் ஐ.எஸ். தீவி­ர­வா­தி­க­ளுக்கு எதி­ரான மோதலில் ஈடு­பட்­டுள்ள அமெ­ரிக்கா தலை­மை­யி­லான கூட்­ட­மைப்பு நாடு­களின் படை­களும் கிளர்ச்சிக் குழுக்­களும் அனு­ம­தி­ய­ளித்தால் தான் சிரி­யா­வுக்கு தனது தரைப்­ப­டையை அனுப்பத் தயா­ராக இருப்­ப­தாக சவூதி அரே­பியா அறி­வித்­த­மைக்கு இரு நாட்­க­ளி­லேயே சிரிய வெளி­நாட்டு அமைச்­சரின் இந்த எச்­ச­ரிக்கை வெளி­யா­கி­யுள்­ளது.

"சிரிய அர­சாங்­கத்தின் அனு­ம­தி­யின்றி தரை வழி­யாக மேற்­கொள்­ளப்­படும் எந்­த­வொரு தலை­யீடும் ஆக்­கி­ர­மிப்பு நட­வ­டிக்­கை­யா­கவே கரு­தப்­படும். அத்­த­கைய நட­வ­டிக்­கை­களை மேற்­கொள்­ப­வர்கள் சவப்பெட்டியிலேயே தமது நாடுகளுக்குத் திரும்ப நேரிடும் என்பதை நான் இங்கு வருத்தத்துடன் தெரிவித்துக் கொள்கிறேன்" என அவர் கூறினார்.
READ MORE - அனு­ம­தி­யின்றி பிர­வே­சிக்கும் வெளி­நாட்டு படை­யினர் சவப்­பெட்­டி­களில் திரும்ப நேரிடும்

தமிழில் தேசியகீதம் தேசிய பாதுகாப்புக்கு அச்சுறுத்தல்

2.2.16

சுதந்திர தின நிகழ்வுகளின் போது தேசிய கீதம் தமிழ் மற்றும் சிங்களம் மொழிகளில் இசைக்கப்படுகின்றமையானது நாட்டின் தேசிய பாதுகாப்புக்கும் ஒருமைப்பாட்டுக்கும் அச்சுறுத்தல் விடுக்கும் செயலென தூய்மையான ஹெல உறுமய கட்சியின்  தலைவர் உதய கம்மன்பில தெரிவித்தார்.

சிங்கள மொழியில் இயற்றப்பட்ட தேசிய கீதம் தமிழ் மொழியில் பாடப்படும் போது அர்த்தம் மாற்றம் பெறுவதாகவும் இதன் மூலம் நல்லாட்சி அரசாங்கம் அரசியலமைப்பை மீறிச் செயற்படுகின்றதெனவும் அவர் சுட்டிக்காட்டினார்.

தேசிய கீதத்தை தமிழ் மொழியில் பாடவேண்டுமாயின் முதலில் சர்வஜன  வாக்கெடுப்பை நடத்த வேண்டும். தேசிய கீதம் இயற்றப்பட்ட காலம் தொட்டு தேசிய கீதத்தின் தமிழாக்கமும் உள்ளது.  ஆனால் அது உத்தியோகபூர்வமானது அல்ல.

எமது நாட்டில் தேசிய கீதம் இருமொழிகளில் பாடப்பட்டால் எமது தேசியமும் பிளவு படும் என்பதை மறுப்பதற்கில்லை.  அதேபோல் அரசியலமைப்பை மீறிச் செயற்படும் குற்றத்திற்காக ஜனாதிபதிக்கு எதிராக வழக்க தாக்கல் செய்யமுடியும்.

தூய்மையான ஹெல உறுமய அமைப்பின் தலைமை அலுவலகத்தில் இன்று இடம்பெற்ற ஊடகவியலாளர் சந்திப்பிலேயே  அவர் மேற்கண்டவாறு தெரிவித்தார்.
READ MORE - தமிழில் தேசியகீதம் தேசிய பாதுகாப்புக்கு அச்சுறுத்தல்

மைத்திரி மகனைக் காப்பாற்றிய மகிந்த

சிறிலங்கா சுதந்திரக் கட்சி 2014ஆம் ஆண்டு நவம்பர் 21ஆம் நாளே பிளவுபட்டு விட்டது என்று தெரிவித்துள்ளார் முன்னாள் ஜனாதிபதி மகிந்த ராஜபக்ச.

கண்டியில் சிறிலங்கா சுதந்திரக் கட்சியின் முன்னாள் உள்ளூராட்சிப் பிரதிநிதிகளைச் சந்தித்துப் பேசிய போதே அவர் இவ்வாறு குறிப்பிட்டார்.
“பொதுச்செயலராக இருந்த ஜனாதிபதி மைத்திரிபால சிறிசேன, 2014 நவம்பர் 21ஆம் நாள், கட்சியின் ஒரு குழுவினருடன், வெளியேறிச் சென்ற போதே சிறிலங்கா சுதந்திரக் கட்சி உடைந்து விட்டது.
நானா இந்தக் கட்சியை உடைத்தேன்? இந்தக் கட்சியை ஒரு யானையிடம் கொடுத்தது யார்?
பாசிக்குடா கடற்கரையில் ஜனாதிபதி மைத்திரிபாலவின் மகன் ஒரு சம்பவத்துடன் தொடர்புபட்ட போது, நான் எந்த நடவடிக்கையும் எடுக்கவில்லை.

முன்னாள் ஜனாதிபதி ஒருவரின் மகள், போலி நாணயத்தாள்களுடன் சிக்கிய போதும், எந்த நடவடிக்கையும் எடுக்கவில்லை.
பண்டாரநாயக்கவின் கொள்கைகளை நான் கட்சியில் பாதுகாத்து வந்தேன்.
ஜனாதிபதி  மைத்திரிபால சிறிசேன எனது அமைச்சரவையிலும், கட்சியின் பொதுச்செயலராகவும் 11 ஆண்டுகள் இருந்தார்.

எதற்காக சிறிமாவோ பண்டாரநாயக்க அம்மையார் கட்சியின் பொதுச்செயலர் பதவிக்கு ஒருவரை மூன்று ஆண்டுகளுக்கு மேல் இருக்க அனுமதிப்பதில்லை என்று எனக்கு இப்போது புரிந்துள்ளது.
எனது ஆட்சிக்காலத்தில் கொண்டு வரப்பட்ட சட்டங்களுக்கு அமையவே, எனது மகன் யோசித ராஜபக்ச கைது செய்யப்பட்டுள்ளார்.

நிதி மோசடி சட்டத்தின் கீழேயே யோசிதவுக்கு எதிராக வழக்கு தொடரப்பட்டுள்ளது.
பயங்கரவாதிகளின் பணம், நாட்டில் முதலீடு செய்யப்படுவதை தடை செய்யும் வகையிலேயே இந்த சட்டம் கொண்டு வரப்பட்டது. இதில் 7 விடயங்கள் உள்ளடக்கப்பட்டுள்ளன.
ஆயுதங்கள், போதைப்பொருட்கள், 16 வயதுக்கு குறைந்தவர்களை விபசாரத்தில் ஈடுபடுத்தி சம்பாதித்த பணம் உள்ளிட்ட 7 முறைகளில் சம்பாதித்த பணம் தொடர்பில் அந்தச்சட்டத்தில் உள்ளடக்கப்பட்டுள்ளது.

யோசித உள்ளிட்ட ஐவருக்கும் எதிராக இந்தச் சட்டத்தின் கீழேயே வழக்கு தொடரப்பட்டுள்ளது. பயங்கரவாதத்தைத் தடுக்கவே இந்தச் சட்டம் கொண்டு வரப்பட்டது.
பயங்கரவாதத்தை இல்லாதொழித்தவரது மகனையே அந்த சட்டத்தின் கீழ் கைது செய்துள்ளனர். இது தான், நல்லாட்சியோ?’ என்றும் அவர் தெரிவித்துள்ளார்.
READ MORE - மைத்திரி மகனைக் காப்பாற்றிய மகிந்த

இலங்கையின் பாதுகாப்பு மீது இந்தியா ஆர்வம்: சின்ஹா தெரிவிப்பு!

26.1.16

இலங்கையின் பாதுகாப்பு மீது இந்தியா நிலையான ஆர்வத்தைக் கொண்டிருப்பதாக இலங்கைக்கான இந்தியத் தூதுவர் வை.கே.சின்ஹா தெரிவித்துள்ளார். மேலும் இலங்கையின் ஒற்றுமை, இறைமை, பிராந்திய ஒருமைப்பாடு ஆகியவற்றைப் பாதுகாக்க உறுதிபூண்டிருப்பதாகவும் அவர் குறிப்பிட்டார்.


கொழும்பில் இன்று காலை நடந்த 67ஆவது இந்திய குடியரசு நாள் நிகழ்வில் உரையாற்றிய போதே அவர் இவ்வாறு தெரிவித்துள்ளார்.


இந்தியாவின் முதல் அயல்நாடு என்ற கொள்கையில் இலங்கையில் தொடர்ந்தும் முக்கிய இடத்தில் இருப்பதாகவும் இந்தியத் தூதுவர் சுட்டிக்காட்டினார்.


மேலும்இ இலங்கையில் புதிய அரசாங்கம் பதவிக்கு வந்த பின்னர் இரண்டு நாடுகளுக்கும் இடையிலான உறவுகளில் புதிய அத்தியாயம் தோன்றியிருப்பதாகவும் இந்த உறவுகளை மேலும் வலுப்படுத்தும் வகையில், இந்திய வெளிவிவகார அமைச்சர் சுஸ்மா சுவராஜின் பயணம் அமையும் என்றும் அவர் தெரிவித்துள்ளார்.


மேலும் இன்றைய குடியரசு நிகழ்வில் இந்தியாவின் தேசியக்கொடி ஏற்றி வைக்கப்பட்டதுடன், எல்லைப்பாதுகாப்புப் படைப்பிரிவினரின் அணிவகுப்பும் இடம்பெற்றது.
READ MORE - இலங்கையின் பாதுகாப்பு மீது இந்தியா ஆர்வம்: சின்ஹா தெரிவிப்பு!