1.6 மில்லியன் ரூபா பெறுமதியுள்ள எத்தனோல் மீட்பு

3.3.15

தாய்லாந்தில் இருந்து சட்டவிரோதமாக இறக்குமதி செய்யப்பட்ட 1.6 மில்லியன் ரூபா பெறுமதியுள்ள 16 ஆயிரம் லீட்டர் எத்தனோல் ஒறுகொடவத்தை சுங்கக் களஞ்சியத்தில் இருந்து மீட்கப்பட்டுள்ளதாக சுங்கப் பிரிவு அறிவித்துள்ளது. அதன் பெறுமதி 1.6 மில்லியன் ரூபா என மதிப்பிடப்பட்டுள்ளது.
READ MORE - 1.6 மில்லியன் ரூபா பெறுமதியுள்ள எத்தனோல் மீட்பு

முகத்தை முழுமையாக மறைக்கும் தலைக்கவசத்திற்கு தடை

2.3.15

முகத்தை முழுமையாக மூடி  தலைக்கவசம் அணிந்து கொண்டு மோட்டார் சைக்கிளில் பயணம் செய்வதற்கு தடை விதிக்கப்பட்டுள்ளது.

அதற்கமைய இம்மாதம் 21 ஆம்  திகதி முதல் தடை செய்யப்படவுள்ளது. எனவே நாட்டில் எதிர்வரும்  காலத்தில் முகத்தை மறைத்துக் கொண்டு பயணிப்பவர்கள் மீது சட்டநடவடிக்கை எடுக்கப்படும் என்றும் பொலிஸார் அறிவித்துள்ளனர்.

அத்துடன் முகத்தை மூடி தலைக்கவசம் அணிந்து கொண்டு மோட்டார் சைக்கிளில் வந்து பல்வேறு குற்றச்செயல்பகளில் பலர் ஈடுபடுகின்றனர். இவ்வாறான சம்பவங்கள்  அதிகரித்து வருவதனாலேயே இந்த நடவடிக்கை மேற்கொள்ளப்பட்டுள்ளது  என பொலிஸார் தெரிவித்துள்ளனர்.
READ MORE - முகத்தை முழுமையாக மறைக்கும் தலைக்கவசத்திற்கு தடை

திருட்டு கும்பல் ஏழு பேர் கொடிகாமத்தில் கைது

1.3.15

கொடிகாமம், பொலிஸ் பிரிவுக்குட்பட்ட வழிபறிகொள்ளையுடன் தொடர்புடைய இருவர் உட்பட சந்தேக நபர்கள் ஏழு பேரை நேற்று கைது செய்துள்ளதாக கொடிகாமம் பொலிஸ் நிலைய குற்றத்தடுப்பு பொறுப்பதிகாரி உப பொலிஸ் பரிசோதகர் சிந்துராஜ் தெரிவித்தார்.

 கடந்த 24ஆம் திகதி வரணி, சுட்டிபுரம் கோயில் பகுதியில் பகுதியில் பெண்ணின் நகையினை பறித்தெடுத் சம்பவத்துடன் தொடர்புடைய பிரதான சந்தேக நபர்கள் இருவர் உட்பட, திருட்டு பொருட்களினை தம் உடமையில் வைத்திருந்த குற்றச்சாட்டில் 5 பேரை கொடிகாமம் பொலிஸார் நேற்று கைது செய்ததாக பொறுப்பதிகாரி மேலும் தெரிவித்தார்.

கைதான இருவரும் 22வயது,மற்றும் 28 வயதுடைய மாலு சந்தி அல்வாய் பகுதியினை சேர்ந்தவர்களவர்கள் என தெரிவித்த பொறுப்பதிகாரி மேலும், சந்தேக நபர்களிடம் இருந்து இரண்டு பவுண் நகை,மற்றும் 6 துவிச்சக்கரவண்டி என்பவற்றையும் மீட்டுள்ளனர்.

 கைதான 7 பேரையும் சாவகச்சேரி நீதவான் நீதிமன்றில் ஆஜர்படுத்துவதற்குரிய நடவடிக்கையினை கொடிகாமம் பொலிஸார் மேற்கொண்டு வருகின்றனர்.
READ MORE - திருட்டு கும்பல் ஏழு பேர் கொடிகாமத்தில் கைது

எமது கிராமங்களும் ஒளிபெறுமா?; காத்திருக்கும் மக்கள் ஏமாற்றம்

கிளிநொச்சி  இராமநாதபுரம், மாவடி, புதுக்காடு ஆகிய கிராமங்களில் குறிப்பிட்ட சில பகுதிகளுக்கு இதுவரை மின்சார வசதிகள் ஏற்படுத்தப்படவில்லை.

இதனால் இங்கு வாழும் சுமார் 430 இற்கும் மேற்பட்ட குடும்பங்கள் பாதிக்கப்பட்டுள்ளன.

கிளிநொச்சி  கரைச்சி பிரதேச செயலக பிரிவின் கீழ் உள்ள இக்கிராமங்களில் கடந்த 2010, 2011ஆம் ஆண்;டுகளில் மக்கள் மீள்குடியேறினர். மீள்குடியேற்றம் ஐந்து வருடங்களாகும் நிலையில் இன்று வரை மின்சார வசதிகள்; ஏற்படுத்தப்படவில்லை.
இக்கிராமங்களுக்கு மின் இணைப்பு வழங்கப்படும் என முன்னர் வழங்கப்பட்ட உறுதிமொழிகளை அடுத்து கிராம மக்கள் தமது வீடுகளுக்கான மின் இணைப்பு வேலைகளை மேற்கொண்டனர்.
ஆனால் வருடங்கள் கடந்து செல்கின்றபோதும் மின் இணைப்பு வழங்குவதற்கான ஏற்பாடுகள் மேற்கொள்ளப்படவில்லை.
எமது கிராமங்களை அண்டிய பகுதிகளுக்கு மின்சார வசதிகள் மேற்கொள்ளப்பட்டுள் ளன. ஆனால் எமது கிராமங்கள் மட்டும் புறக்கணிக்கப்பட்டுள்ளன என இப்பகுதி மக்கள் கவலை தெரிவிக்கின்றனர்.

இது தொடர்பாக இலங்கை மின்சார சபையின் கிளிநொச்சி அலுவலகத்துடன் தொடர்பு கொண்டு கேட்டபோது, குறித்த கிராமங்களுக்கு மின்சார வசதிகளை வழங்குவதற்கான ஏற்பாடுகள் இடம்பெற்று வருவதாகத் தெரிவித்தனர்.
READ MORE - எமது கிராமங்களும் ஒளிபெறுமா?; காத்திருக்கும் மக்கள் ஏமாற்றம்

வானில் வெடித்து கேரளாவில் 50 இடங்களில் விழுந்த மர்ம பொருள்

கேரள மாநிலம் எர்ணாகுளம், பத்தனம்திட்டா, கண்ணணூர், கோழிக்கோடு, கோட்டயம், ஆலப்புழா ஆகிய 6 மாவட்டங்களில் நேற்று முன்தினம் நள்ளிரவு வானில் தீப்பிழம்பு தோன்றியதை அந்த பகுதி பொதுமக்கள் பார்த்து உள்ளனர்.

மின்னல் வேகத்தில் ராக்கெட் போல் அந்த தீப்பிழம்பு வானில் பயணித்ததாகவும் அப்போது பயங்கர சத்தம் கேட்டதாகவும், அந்த நேரத்தில் நில அதிர்வை உணர்ந்ததாகவும் அந்த பகுதி பொதுமக்கள் பீதியுடன் தெரிவித்துள்ளனர்.

இந்த மர்ம தீப்பிழம்பு இந்த 6 மாவட்டங்களில் 50–க்கும் மேற்பட்ட இடங்களில் சிதறி விழுந்துள்ளது. இதன் காரணமாக பல இடங்களில் தென்னை மரங்கள் உள்பட பயிர்கள் தீயில் கருகி சாம்பலாகி உள்ளது.

அதிர்ஷ்டவசமாக குடியிருப்புகள் மீது இந்த தீப்பிழம்பு விழாததால் உயிர் சேதம் தவிர்க்கப்பட்டது. ஆலப்புழா அருகே புச்சாக்கல் என்ற இடத்தில் ராஜேஷ் என்பவர் வீட்டு முன்பு தீப்பிழம்பில் இருந்து சிதறிய ஒரு இரும்பு வளையம் போன்ற ஒரு மர்ம பொருள் கிடந்ததை அவரது வீட்டினர் பார்த்துள்ளனர்.
இதுபற்றி அவர்கள் போலீசாருக்கு தகவல் தெரிவித்துள்ளனர்.

இதேபோல் எர்ணாகுளம் பிரவூர் என்ற இடத்தில் ஒரு வீடு அருகேயும், ஓலஞ்சேரி வனவூர் பகுதியிலும், ஆராமுளா பந்தளம் பகுதியிலும் கிறிஸ்தவ ஆலயங்கள் அருகேயும் தீப்பிழம்பின் சிதறல்கள் விழுந்துள்ளன. தெக்கனூர் கிடங்கானூர் என்ற இடத்திலும் தீப்பிழம்பு விழுந்ததை பொதுமக்கள் பார்த்துள்ளனர்.

மொத்தம் 145 இடங்களில் இந்த தீப்பிழம்பு தெளிவாக தெரிந்ததாக நேரில் பார்த்த பொதுமக்கள் தெரிவித்துள்ளனர்.
இதைத்தொடர்ந்து வானிலை இலாகாவினரும், மாநில பேரிடர் மேலாண்மை குழுவினரும் இந்த மர்ம தீப்பிழம்பு பற்றி தெரிய உடனடியாக ஆராய்ச்சியில் இறங்கினார்கள்.
அப்போது எர்ணாகுளம் மாவட்டம் கரிமல்லூரில் தீப்பிழம்பினால் பெரிய அளவில் நிலம் கருகி இருந்தது தெரிய வந்தது. இதனால் இந்த இடத்தில்தான் தீப்பிழம்பு விழுந்திருக்கும் என்று அவர்கள் கருதுகிறார்கள்.

இந்த தீப்பிழம்பு விழுந்ததற்கான காரணம் பற்றி வல்லுனர்கள் ஆராய்ந்து வருவதாகவும், அவர்களின் அறிக்கைக்கு பிறகு இதுபற்றிய உண்மை காரணம் வெளியாகும் என்று பேரிடர் மேலாண்மை குழுவினர் தெரிவித்தனர்.
மேலும் தீப்பிழம்பில் இருந்து சிதறி விழுந்த பொருட்களை பொதுமக்கள் யாரும் தொடக்கூடாது என்று வானிலை இலாகா அதிகாரிகள் எச்சரித்துள்ளனர்.

அந்த பொருட்கள் விழுந்த இடங்களுக்கு மீட்பு குழுவினர் சென்று பொருட்களை சேகரித்து வருவதாகவும், இதைப்பற்றி தெரிந்தவர்கள் தங்களுக்கு தகவல் தெரிவிக்க வேண்டுமென்றும் கேட்டுக் கொண்டுள்ளனர். மேலும் இதுபற்றி பொது மக்கள் பீதி அடைய தேவையில்லை என்றும் அவர்கள் தெரிவித்துள்ளனர்.

கேரள வானிலை விஞ்ஞானி ராஜகோபாலன் கம்மத் இதுபற்றி கூறும்போது, ‘பூமியின் ஈர்ப்பு விசையால் விண்கற்கள் ஈர்க்கப்பட்டு பூமிக்குள் நுழைந்தபோது தீப்பிழம்பு உருவாகி இருக்கலாம்.

சீனா விண்ணுக்கு அனுப்பிய ஒரு செயற்கை கோளை செயலழிக்க செய்யப்போவதாக சமீபத்தில் அறிவித்திருந்தது. எனவே இந்த தீப்பிழம்பு செயலிழக்கச் செய்யப்பட்ட செயற்கை கோளினால் ஏற்பட்டதாகவும் இருக்கலாம். பொதுமக்கள் அச்சம் அடைய வேண்டாம்’ என்றார்.
READ MORE - வானில் வெடித்து கேரளாவில் 50 இடங்களில் விழுந்த மர்ம பொருள்

எப்படிச் சமாளிக்கப் போகிறது கூட்டமைப்பு?

ஜனாதிபதித் தேர்தலுக்குப் பின்னர், ஏற்பட்டுள்ள ஒரு அமைதி நிலை தமிழர்களின் அரசியலில் ஆபத்தான விளைவுகளை ஏற்படுத்தத் தொடங்கியுள்ளதாகவே தெரிகிறது.

இதே பத்தியில் இதுபற்றி முன்னர் சுட்டிக்காட்டப்பட்டது பலருக்கு நினைவிருக்கலாம். எதிர்ப்பு அரசியலும் செய்ய முடியாத – இணக்க அரசியலும் செய்ய முடியாத ஒரு இடைப்பட்ட நிலைக்குள் தள்ளப்பட்டுள்ள தமிழ்த் தேசியக் கூட்டமைப்புக்குள், முரண்பாடுகளும், கருத்து மோதல்களும் வெடிப்பதற்கு வாய்ப்புகள் அதிகம் என்று அதில் குறிப்பிடப்பட்டிருந்தது.

அதனை நிரூபிக்கும் வகையில், பல சம்பவங்கள், தமிழர் அரசியலில் அரங்கேறி வருவது ஆபத்தின் அறிகுறிகளை உணர்த்தி நிற்கிறது.

தமிழ்த் தேசியக் கூட்டமைப்பைப் பலவீனப்படுத்தி, மாற்று அணியொன்றை உருவாக்கும் முயற்சிகள் முனைப்படைந்துள்ளமை அதில் ஒன்று. அத்தகைய மாற்று அணியை உருவாக்குவதற்கான முகிழ்நிலையைத் தோற்றுவிப்பதற்குத் திட்டமிட்டே சந்தர்ப்பங்கள் உருவாக்கப்படுவது இன்னொன்று.
இப்படியான நிகழ்வுகள் தமிழ் மக்கள் மத்தியில், ஒருவித குழப்பத்தை ஏற்படுத்தியிருப்பதைக் காண முடிகிறது. தமிழ்த் தேசியக் கூட்டமைப்புக்கு இந்த அரசியல் சூழல் சவாலானது,

எதிர்நீச்சல் போட வேண்டியது என்பதை, விடுதலைப் புலிகளுக்கு நேர்ந்த கதியுடன் ஒப்பிட்டு, முன்னைய பத்தியில் சுட்டிக்காட்டப்பட்டது நினைவிருக்கலாம்.
இன்றைய சூழலில், தமிழ்த் தேசிய அரசியலில், மாற்று அணிகள் என்பது தேவையா எனச் சிந்திக்க வேண்டியுள்ளது.

இதுவரையில் தமிழர்கள் சிதறிப் போயிருந்ததால், பிளவு பட்டு நின்றதால், பாதிப்புக்களையே அதிகம் சந்தித்துள்ளனர். இதுதான் தமிழர்தரப்புக்கு கடந்த காலங்களில் கிடைத்த ஆதாயம்.
தமிழர் தரப்புக்கள், முட்டி மோதிக் கொண்டதும், முரண்பட்டுக் கொண்டதும், ஒருவரை மற்றவர் இழுத்து வீழ்த்தியதும், காலை வாரிவிட்டதும், தமிழர்தரப்பை நசுக்க நினைத்தவர்களுக்கே சாதகமாக அமைந்தது.

இந்தச் சூழலில் தான், தமிழர் தரப்பு ஒன்றுபட்டு நின்றாலே பலத்தை நிரூபிக்க முடியும், சாதிக்க முடியும் என்பது உணரப்பட்டது. தமிழ்த் தேசியக் கூட்டமைப்பின் உருவாக்கத்துக்கு அந்தச் சிந்தனை முழுமுதற் காரணம் என்பதில் சந்தேகமில்லை.
அதற்காக, தமிழ்த் தேசியக் கூட்டமைப்பின் உருவாக்கத்துக்குப் பின்னர், தமிழர் தரப்பு முற்றிலும் ஒற்றுமையாக - ஒன்றுபட்டுச் செயற்பட்டது என்று கூற முடியாது.

ஆனாலும், பிரிந்து நின்று மோதி, தமிழர் அரசியல் சக்தியைப் பலவீனப்படுத்திக் கொள்வது கொஞ்சம் குறைந்து போனது என்பதை ஏற்றேயாக வேண்டும்.
இது, தமிழர் தரப்பின் ஒற்றுமையை மேலும் வலுப்படுத்த வேண்டிய- ஒன்றுபட்டு நிற்க வேண்டிய காலம்.

கடந்த ஜனவரி 8ஆம் திகதி வரை, தமிழர் தரப்பின் குரலை உன்னிப்பாக கேட்ட சர்வதேசம், இப்போது அதனை அலட்சியத்துடன் பார்க்கின்ற நிலைமை ஏற்பட்டிருக்கிறது. அதாவது தமக்கு வசதியான நிலை ஒன்று கொழும்பில் உருவாகியதும், தமிழர்களைக் கைவிடுகின்ற நிலைக்கு சர்வதேச சமூகம் சென்றிருக்கிறது.

இத்தகைய பின்புலச் சூழலில், தமிழர் அரசியல் என்பது, வலிமையிழப்பது, இப்போது தோன்றியுள்ள ஆபத்தான நிலையை மேலும் மோசமானதாக்கும்.
புதிய அரசியல் அமைப்புக்களின் ஊடாக, தமிழர் நலன்களை வென்றெடுக்கலாம் என்ற சிந்தனை நடைமுறைக்கு ஒவ்வாத ஒன்றாகவே கருதப்படுகிறது.

இப்போது தமிழர்களுக்கு தேவையானது ஒன்றுபட்ட பலமே தவிர, சிதறிக் கிடக்கும் புதிய, புதிய அரசியல் அமைப்புக்கள் அல்ல. அத்தகைய புதிய அரசியல் சக்திகளின் பிறப்பு, தமிழர்களின் குரலைப் பலவீனப்படுத்தவும், அரசியல் அபிலாஷைகளை நசுக்கவுமே பயன்படுத்தப்படும். இந்த யதார்த்தத்தை பலரும் புரிந்து கொள்ளத் தவறுகின்றனர்.

தமிழ்த் தேசியக் கூட்டமைப்புக்குள், பல குழப்பங்கள் இருப்பது உண்மை. பலருக்கு அநீதிகள் இழைக்கப்படுவதும் உண்மை.
அவை அனைத்தும், ஒரு ஜனநாயக கட்டமைப்புக்குள் தீர்க்கப்பட வேண்டிய பிரச்சினைகள்.
தமிழ்த் தேசியக் கூட்டமைப்புக்குள் நிலவும் கருத்து வேறுபாடுகள் குறித்து, உறுப்பினர்கள் வெளியிடும் முரண்பட்ட கருத்துகள் தொடர்பாக, கருத்துக் கேட்கும் போதெல்லாம், அதன் தலைவர் இரா.சம்பந்தனால் கூறப்படுகின்ற பதில், “எமது அமைப்பு ஒரு ஜனநாயக அமைப்பு. அதனால் மாற்றுக் கருத்துகள் முன்வைக்கப்படுகின்றன.” என்பதேயாகும்.

ஒரு வகையில் அது சரியான பதிலாகவே இருந்தாலும், அத்தகைய மாற்றுக் கருத்துகளும் மதிக்கப்பட வேண்டும் என்பதையும், கூட்டமைப்புத் தலைமை மறந்து விடலாகாது.
மாற்றுக் கருத்துக்களுக்கு மதிப்பு இல்லாமல் போகும் போது தான், பிளவுகள், விரிசல்கள் தீவிரமாகும்.
அண்மைக்காலமாக, குறிப்பாக, ஜனாதிபதி தேர்தல் அறிவிக்கப்பட்ட பின்னர், தமிழ்த் தேசியக் கூட்டமைப்புக்களின் மாற்றுக் கருத்துகள் தீவிரமடைந்துள்ளன.

மைத்திரிபால சிறிசேனவை ஆதரித்ததில் இருந்து, சுதந்திர தின நிகழ்வில் இரா.சம்பந்தன், சுமந்திரன் ஆகியோர் பங்கேற்றது, ஐ.நா. விசாரணைக் குழுவின் அறிக்கை பிற்போடப்பட்டது பற்றிய கருத்துகள் வரையில், கூட்டமைப்புக்கள் பல்வேறு கருத்துகளை வெளியிட்டு வருகின்றன.
இவையெல்லாம், தமிழ்த் தேசியக் கூட்டமைப்பின் உட்கட்சி ஜனநாயகத்தை வெளிப்படுத்துவதாகவே கருதினாலும், அது அதற்கும் அப்பாற்பட்ட வன்மம் மிக்கதாக மாறிவருவதையும் அவதானிக்க முடிகிறது.

அதற்கு உதாரணமாக, கடந்த 21ஆம் திகதி யாழ்ப்பாணத்தில் காணாமற்போனோரின் உறவினர்களின் அமைப்பு ஒன்றினால், நடத்தப்பட்ட எதிர்ப்புப் பேரணியின் போது, பாராளுமன்ற உறுப்பினர் சுமந்திரனின் உருவபொம்மை எரிக்கப்பட்ட சம்பவத்தைக் குறிப்பிடலாம்.
இந்தச் சம்பவம், தமிழர் அரசியல் எங்கே சென்று கொண்டிருக்கிறது என்ற கேள்வியை ஒவ்வொரு தமிழர் மனதிலும் எழுப்பியிருக்கிறது.

அந்தப் பேரணியில், தமிழ்த் தேசியக் கூட்டமைப்பின் பாராளுமன்ற, மாகாணசபை உறுப்பினர்கள் சிலரும் பங்கேற்றிருந்தனர்.
ஒரு கட்டத்தில், திடீரென பாராளுமன்ற உறுப்பினர் சுமந்திரனின் உருவபொம்மை கொண்டு வரப்பட்டு எரிக்கப்பட்டது.

பேரணியில் பங்கேற்றவர்களோ அதை யார் செய்தார்கள் என்று தமக்குத் தெரியாது என்கின்றனர்.
ஆனால், அது திட்டமிட்டு மேற்கொள்ளப்பட்டதல்ல என்றும், மக்களின் கோப உணர்ச்சியின் வெளிப்பாடு என்றும் அவர்கள் அதை நியாயப்படுத்துகின்றனர்.
அந்தச் செயலை நியாயப்படுத்துவதில் துணிச்சல் கொண்டவர்களுக்கு, அதை தாமே எரித்தோம் என்று கூறும் துணிச்சல் வராமல் போனது ஆச்சரியம்.

எவ்வாறாயினும், அந்தப் பேரணியில் உருவபொம்மையை எரித்தவர்களும் கூட்டமைப்பினர் தான், எரிக்கப்பட்ட உருவபொம்மையும் கூட்டமைப்பைச் சேர்ந்தவரது தான் என்பதே உண்மை.
இந்த உருவபொம்மை எரிப்பின் ஊடாக, காணாமற்போனோரின் உறவுகளின் போராட்டம், கொச்சைப்படுத்தப்பட்டு, பலவீனப்படுத்தப்பட்டுள்ளது என்பது முக்கியமானது.

இந்த உருவபொம்மை எரிப்பின் மூலம், காணாமற்போனோரின் உறவினர்களின் எதிர்பார்ப்புகள், கேள்விக்குறியாக்கப்படும் ஆபத்து ஏற்பட்டுள்ளதை சம்பந்தப்பட்டவர்கள் புரிந்து கொள்ளவில்லை.
காணாமற்போனோரின் உறவினர்கள் படும் வேதனை உண்மையானது. கொடுமையானது என்பது ஏற்றுக் கொள்ளப்பட வேண்டியதே.

அவர்களின் துன்பத்தை எவரும் அரசியல் நலனுக்காக பயன்படுத்த முனையக் கூடாது.
ஆனால், வெட்கக்கேடான வகையில், தமிழர் தரப்பில் இப்போது, கொல்லப்பட்டவர்களும், காணாமற்போனவர்களும், சிறையில் உள்ளவர்களும், அரசியல் பகடையாக்கப்பட்டு வருகின்றனர்.
காணாமற்போனோரின் உறவினர்களின் போராட்டம், அரசியல் மயப்படுத்தப்படாமல் இருக்கும் வரையில் தான், அது பெறுமதிமிக்கதாக, மற்றவர்களால் மதிக்கப்படும் ஒன்றாக இருக்கும்.
எப்போது அதற்குள் அரசியல் நுழைகிறதோ, நுழைக்கப்படுகிறதோ, அப்போதே அந்தப் போராட்டம் வீரியமிழக்கத் தொடங்கி விடும்.

அந்தப் பேரணியில் பங்கேற்ற பாராளுமன்ற உறுப்பினர் சுரேஸ் பிரேமச்சந்திரன், தனக்கும் உருவபொம்மை எரிப்புக்கும் தொடர்பில்லை என்றும், சுமந்திரனுடன் கருத்து முரண்பாடுகள் இருந்தாலும், இந்தளவுக்கு தாம் செல்லமாட்டோம் என்றும் தெரிவித்திருந்தார்.
இப்படியான நிலையில், காணாமற்போனோரின் உறவுகள் எதிர்காலத்தில் நடத்தப்போகும் போராட்டங்களில், கூட்டமைப்பின் பாராளுமன்ற, மாகாணசபை உறுப்பினர்கள் பங்கேற்கத் தயங்குவார்கள்.

ஏனென்றால், அங்கும் உருவபொம்மைகள் எரிக்கப்படலாம் என்று அவர்கள் அஞ்சக்கூடும்.
அதன் காரணமாக, தலைமைக்கு விளக்கமளிக்க வேண்டிய நிலை வரும் என்று அவர்கள் கலங்கலாம்.
இது, பலவீனப்படுத்தப் போவது, காணாமற்போனோரின் உறவுகளின் குரலைத் தான்.
காணாமற்போனோரின் உறவுகளின் போராட்டங்களில், தற்போது கலந்து கொள்வோரின் எண்ணிக்கை குறைந்து வருவது துரதிர்ஷ்டமானது.

நாள் செல்ல செல்ல, காணாமற்போன தமது உறவுகள் இனியும் தப்பியிருப்பார்களா என்ற சந்தேகம் வலுப்பதும், அதனால் ஏற்படும் மனச் சோர்வும், தனது உறவுகளே போய் விட்ட பின்னர், இனியென்ன தமக்கு என்ற கவலையும், நீதி முறைமையின் மீதுள்ள அவநம்பிக்கையும், இத்தகைய போராட்டங்களில் இருந்து பலரையும், ஒதுங்கி நிற்க வைக்கிறது.

இவ்வாறு, காணாமற்போனவர்களின் உறவுகளே ஒதுங்கத் தொடங்கி விட்டதால், இவர்களின் போராட்டங்களின் வீரியம் குறைந்து வருவது கண்கூடு.
இத்தகைய நிலையில், இருக்கின்ற ஆதரவையும் இல்லாமல் செய்வதென்பது, காணாமற்போனவர்களைத் தேடிப்பிடிக்கும் முயற்சிக்கு ஒருபோதும் துணையாகமாட்டாது.
உதாரணத்துக்கு, கடந்த 21ஆம் திகதி, சுமந்திரனின் உருவபொம்மை எரிக்கப்பட்டதற்கே பெரும்பாலான ஊடகங்களில் முக்கியத்துவம் கொடுக்கப்பட்டதே தவிர, அந்தப் பேரணிக்கு அல்ல என்பதை குறிப்பிட வேண்டும்.

காணாமற்போனோரின் உறவினர்கள் சுமந்திரனின் உருவபொம்மையை எரிக்கின்ற அளவுக்கு ஆத்திரம்மிக்கவர்களாக இருந்தனர்.
ஆனால், தமது உறவுகள் காணாமற்போக காரணமானவர்களின் உருவபொம்மைகளை இவர்கள் ஏன் எரிக்க முனையவில்லை?
காணாமற்போனோரின் உறவினர்களின் போராட்டம், எந்த திசையில் செல்கிறது என்பது அவர்களுக்கே தெரியவில்லை.

சுமந்திரனின் உருவபொம்மை எரிக்கப்பட்ட விவகாரத்தில், யாருமே அதற்கு உரிமை கோரவில்லை.
அவ்வாறு உரிமை கோரத் தயாராக இல்லாத நிலையில், கூட்டமைப்புக்குள் முரண்பாடுகளையும், விரோதங்களையும் வளர்க்கும் நோக்குடனும் கூட, தீயசக்திகளால் அத்தகைய சதித்திட்டம் நிறைவேற்றப்பட்டிருக்கலாம்.

அந்த சதித் திட்டம் உண்மையாக இருந்தால், அது கூட்டமைப்பை பிளவுபடுத்தும் பெரும் திட்டம் ஒன்றின் அங்கமாகவே கருதப்பட வேண்டும்.
அதன் ஆபத்தை, கூட்டமைப்பின் தலைமை மட்டுமன்றி, பாராளுமன்ற, மாகாணசபை, உள்ளூராட்சிசபை உறுப்பினர்களும் உணர்ந்து கொள்ள வேண்டும்.

ஏனென்றால் அவர்கள் மத்தியில் உள்ள வேறுபாடுகளைத் தான் இத்தகைய பிளவுகளுக்காக பயன்படுத்திக் கொள்கிறார்கள்.
இந்தப் பொறியை கூட்டமைப்பு எவ்வாறு சமாளித்து முன்னேறப் போகிறது என்பது சவாலான விடயம் தான்.
ஆனாலும், தமிழ்த் தேசியக் கூட்டமைப்பு இந்த சவாலை சரியாக சமாளித்தால் தான், தனது பலத்தை குலையாமல் காப்பாற்றிக் கொள்ள முடியும்.
கபில்
READ MORE - எப்படிச் சமாளிக்கப் போகிறது கூட்டமைப்பு?

சமிதா சமன்மலிக்கு 180 மில்லியன் ரூபா நஷ்டஈடு

27.2.15

சமிதா சமன்மலிக்கு 18 மில்லியன் ரூபா நஷ்டஈடு வழங்குமாறு கொழும்பு மாவட்ட நீதிமன்றம் இன்று உத்தரவிட்டுள்ளது.

கடந்த 2008 ஆம் ஆண்டு பண்டாரநாயக்க ஞாபகார்த்த சர்வதேச மாநாட்டு மண்டபத்தில் இடம்பெற்ற தேசத்திற்கு மகுடம் கண்காட்சியின் போது கூடாரம் ஒன்று உடைந்து விழுந்தமையால் அவரது உடலின் ஒரு பகுதி செயலிழந்தது.
தற்போது அவரின் உடல் நிலை  ஓரளவு குணமடைந்து தனது உயர் கல்வியை பூர்த்தி செய்து  மருத்துவராகவும் சேவையாற்றி வருகின்றார்.
இந்நிலையிலேயே அவருக்கு 18 மில்லியன் ரூபா நஷ்டயீடு வழங்குமாறு நீதிமன்றம் உத்தரவிட்டுள்ளமை குறிப்பிடத்தக்கது.
READ MORE - சமிதா சமன்மலிக்கு 180 மில்லியன் ரூபா நஷ்டஈடு

ஐ.எஸ்.ஐ.எஸ். இயக்கத்துக்கு இந்தியாவில் தடை

26.2.15

ஐ.எஸ்.ஐ.எஸ். தீவிரவாத அமைப்பு ஈராக், சிரியா மற்றும் உலகின் பல்வேறு நாடுகளில் கொடூர தாக்குதல்களை அரங்கேற்றி வருகிறது. இந்த அமைப்பை சேர்ந்த தீவிரவாதிகள், தங்களை எதிர்த்து போரிடும் அமெரிக்கா உள்ளிட்ட நாடுகளை சேர்ந்த அப்பாவி மக்களை பணயக்கைதிகளாக பிடித்து சென்று படுகொலை செய்து வருகின்றனர்.

உலகின் பல்வேறு நாடுகளில் தடை செய்யப்பட்ட இந்த இயக்கம், ஐ.நா. சபை அட்டவணைப்படி இந்தியாவிலும் தடை செய்யப்பட்டு உள்ளதாக கடந்த டிசம்பர் மாதம் பாராளுமன்றத்தில் உள்துறை மந்திரி ராஜ்நாத் சிங் அறிவித்தார். தற்போது இந்த அமைப்பு சட்டவிரோத நடவடிக்கைகள் தடுப்பு சட்டத்தின் கீழ் இந்தியாவில் தடை செய்யப்பட்டு உள்ளது.

இது தொடர்பாக உள்துறை அமைச்சகம் வெளியிட்டுள்ள அறிவிப்பில், இஸ்லாமிக் ஸ்டேட் அல்லது இஸ்லாமிக் ஸ்டேட் ஆப் ஈராக் போன்ற இயக்கங்களுடன் இணைந்த இயக்கங்கள், சட்டவிரோத நடவடிக்கைகள் தடுப்பு சட்டத்தின் கீழ் இந்தியாவில் தடை செய்யப்படுகிறது என்று கூறப்பட்டு உள்ளது.
READ MORE - ஐ.எஸ்.ஐ.எஸ். இயக்கத்துக்கு இந்தியாவில் தடை

கே.பி. மீதான விசாரணைக்கு நீதிமன்றம் 6 மாத அவகாசம்

கே.பி. எனப்படும் குமரன் பத்மநாதன் தொடர்பில் விசாரணை நடத்த நீதிமன்றம் 6 மாத கால அவகாசம் வழங்கியுள்ளதால் இந்த விசாரணைக் காலத்திற்குள் குமரன் பத்மநாதன் வெளிநாடு செல்ல நீதிமன்றம் தடை விதித்துள்ளது.

குமரன் பத்மநாதன் தொடர்பில் மக்கள் விடுதலை முன்னணி தாக்கல் செய்த வழக்கு நேற்று வியாழக்கிழமை மீண்டும் விசாரணைக்கு எடுத்துக் கொள்ளப்பட்டது. இந்த வழக்கு 6 மாத காலத்திற்கு ஒத்திவைக்கப்பட்டுள்ளதுடன். ஆகஸ்ட் மாதம் 31 ஆம் திகதி விசாரணைக்கு மீண்டும் எடுத்துக் கொள்ளப்படவுள்ளது.

வழக்கு விசாரணையின் பின் மனுதாரர்களான மக்கள் விடுதலை முன்னணி சார்பில் ஊடகங்களுக்குக் கருத்துத் தெரிவித்த சட்டத்தரணி சுனில் வட்டகல,
 ''கேபி தொடர்பில் மக்கள் விடுதலை முன்னணி தாக்கல் செய்த வழக்கு விசாரணைக்கு வந்தது.
கடந்த விசாரணையின்போது கேபி தொடர்பில் முறையான விசாரணை அறிக்கை சமர்பிக்கும்படி நீதிமன்றம் உத்தரவு பிறப்பித்திருந்தது. சட்டமா அதிபர் திணைக்களம் சார்பில் சட்டத்தரணி பிரியந்த நாவான்ன ஆஜராகியிருந்தார்.

மக்கள் விடுதலை முன்னணியின் மனு அடிப்படையில் கேபி தொடர்பில் 193 சம்பவங்கள் பதிவாகியுள்ளதாக பிரியந்த நாவான்ன தெரிவித்தார். 193 சம்பவங்கள் தேசிய, சர்வதேச குற்றங்கள் தொடர்பில் உள்ளன.
விசேடமாக ரஜீவ் காந்தி கொலை, கப்பல் கொள்வனவு, தொழிற்சாலை, நிதி கொடுக்கல் வாங்கல் உள்ளிட்ட பல சம்பவங்கள் உள்ளன. அந்த சம்பவங்கள் குறித்து விசாரணை அறிக்கை சமர்பிக்க குறுகிய காலம் போதாது. அதற்கு ஆறு மாத காலம் தேவை என சட்டத்தரணி பிரியந்த நாவான்ன நீதிமன்றத்தில் கோரிக்கை விடுத்தார்.

இந்தக் கருத்தைப் பரிசீலித்த நீதிமன்றம் எங்களிடமும் கருத்து பெற்றது. முறையான விசாரணை நடத்த ஆதரவு வழங்கப்படும் என நாமும் தெரிவித்தோம். அதன்படி இந்த வழக்கு ஆறு மாத காலத்திற்கு பிற்போடப்பட்டுள்ளது.
வழக்கு ஆகஸ்ட் 31 ஆம் திகதியே விசாரணைக்கு எடுத்துக் கொள்ளப்படும். அன்றைய தினம் கேபி தொடர்பில் பூரண விசாரணை அறிக்கை தாக்கல் செய்யப்படவுள்ளது.
கேபி வெளிநாடு செல்ல நீதிமன்றம் தற்போது விடுத்துள்ள தடை உத்தரவு மேலும் ஆறு மாத காலத்திற்கு நீடிக்கப்பட்டுள்ளது.
அதன்படி சட்டமா அதிபர் திணைக்களம் இந்த நீண்ட காலத்தை எடுத்தாவது முறையான விசாரணை அறிக்கை சமர்பிக்கும் என நாம் நம்புகிறோம். நாட்டு மக்களுக்கு நியாயம் வழங்க கடந்த ஒரு மாதமாக நீதிமன்றமும் செயற்பட்டுள்ளது. அதற்கும் கௌரவத்தைச் செலுத்துகிறோம்'' என்றார்.
READ MORE - கே.பி. மீதான விசாரணைக்கு நீதிமன்றம் 6 மாத அவகாசம்

நியாயமான காரணங்களினாலேயே அறிக்கை ஒத்திவைக்கப்பட்டுள்ளது ; யோகிம் ரகர் ஜகத்

இலங்கை தொடர்பான போர்க்குற்ற விசாரணை அறிக்கை சமர்ப்பிக்கப்படுவது நியாயமான காரணங்களின் அடிப்படையிலேயே ஒத்தி வைக்கப்பட்டுள்ளதாக ஐக்கிய நாடுகள் மனித உரிமை ஆணைக்குழு தெரிவித்துள்ளது.

ஐ.நா மனித உரிமை பேரவையின் 28 வது கூட்டத் தொடர் ஆரம்பமாகவுள்ள நிலையில், அறிக்கை சமர்ப்பிக்கப்படுவது ஒத்திவைக்கப்பட்டமை குறித்து எழுந்து வரும் எதிர்ப்புகளுக்கு பதிலளிக்கும் போதே ஐ.நாவுக்கான மனித உரிமை ஆணைக்குழுவின் தலைவர் யோகிம் ரகர் ஜகத் இதனை கூறியுள்ளார்.

2014 ஆம் ஆண்டு பாலஸ்தீனத்தின் காஸா பள்ளத்தாக்கில் இடம்பெற்ற மோதல்கள் குறித்து விசாரணை நடத்த நியமிக்கப்பட்ட குழுவின் தலைவர் அந்த பதவியில் இருந்து விலகியமை, இலங்கையின் மோதல்கள் சம்பந்தமான அறிக்கை மிகவும் முக்கியமானது என்பதுடன் தர்க்க காரணங்களின் அடிப்படையில் அறிக்கையை ஒத்திவைக்க நடவடிக்கை எடுக்கப்பட்டது.

இலங்கை சம்பந்தமான போர்க்குற்ற அறிக்கை மார்ச் மாதம் 25 ஆம் திகதி ஐ.நா மனித உரிமை பேரவையில் சமர்ப்பிக்கப்படவிருந்தது.
இந்த நிலையில், ஜனாதிபதி மைத்திரிபால சிறிசேன தலைமையிலான அரசாங்கம் விடுத்த கோரிக்கையின் அடிப்படையில் அறிக்கை சமர்ப்பிக்கப்படுவது ஆறு மாதங்களுக்கு ஒத்திவைக்கப்பட்டது.

போர்க்குற்றங்கள் தொடர்பில் இலங்கைக்குள் நியாயமான விசாரணைகளை நடத்துவதாக இலங்கை அரசாங்கம் வழங்கிய உறுதிமொழியின் அடிப்படையில் இந்த நடவடிக்கை எடுக்கப்பட்டதாக கூறப்படுகிறது. எவ்வாறாயினும் இலங்கையின் பிரதான தமிழ் கட்சியான தமிழ்த் தேசியக் கூட்டமைப்பு ஐ.நா அறிக்கை ஒத்திவைக்கப்பட்டமைக்கு கடும் எதிர்ப்பை வெளியிட்டுள்ளது.

அறிக்கை சமர்ப்பிக்கப்படுவது ஒத்திவைக்கப்பட்டமையானது நியாயம் நிராகரிக்கப்பட்டதாக கூட்டமைப்பு கூறியுள்ளது. 2012, 2013 மற்றும் 2014 ஆம் ஆண்டுகளில் இலங்கை சம்பந்தமாக ஐ.நா மனித உரிமை பேரவையில் மூன்று யோசனைகள் நிறைவேற்றப்பட்டன.

போர் நடைபெற்ற காலத்தில் இலங்கை இராணுவம் மற்றும் விடுதலைப் புலிகள் போர்க்குற்றங்களில் இடம்பெற்றன என்ற அடிப்படையில் விசாரணை நடத்தப்பட வேண்டும் என யோசனைகளில் வலியுறுத்தப்பட்டது.

47 நாடுகளின் இணக்கத்துடன் கடந்த வருடம் யோசனை நிறைவேற்றப்பட்டதுடன் இலங்கையில் இடம்பெற்ற போர்க்குற்றங்கள் தொடர்பில் சர்வதேச விசாரணை நடத்தப்பட வேண்டும் என வலியுறுத்தப்பட்டது.

ஐ.நா மனித உரிமை ஆணைக்குழு 2006 ஆம் ஆண்டு நடைபெற்ற ஐ.நா பொதுச் சபைக் கூட்டத்தில் ஸ்தாபிக்கப்பட்ட ஒரு நிறுவனமாகும். இந்த நிறுவனம் உலக நாடுகளில் மனித உரிமை மீறல்கள் குறித்து ஆராய்ந்து பரிந்துரைகளை வழங்கி வருகிறது.
READ MORE - நியாயமான காரணங்களினாலேயே அறிக்கை ஒத்திவைக்கப்பட்டுள்ளது ; யோகிம் ரகர் ஜகத்