புலிகள் இயக்க உறுப்பினர்கள் நாட்டை விட்டு வெளியேற கனடா ஆதரவளிக்கவில்லை!

31.10.14

தமிழீழ விடுதலைப் புலி உறுப்பினர்கள், அவர்களது உறவினர்கள் மற்றும் ஆதரவாளர்கள் நாட்டை விட்டு வெளியேறுவதற்கு கனடா ஆதரவளித்து வருவதாக சுமத்தப்பட்டு வரும் குற்றச்சாட்டுக்களை முற்று முழுதாக நிராகரிப்பதாக கனேடிய உயர்ஸ்தானிகர் ஸெல்லி வைட்டிங் தெரிவித்துள்ளார்.

அண்மையில் தமிழீழ விடுதலைப் புலிகள் இயக்க உறுப்பினர் ஒருவரின் தாயார் கனடா செல்ல எடுத்த முயற்சி முறியடிக்கப்பட்டதாக இலங்கை ஊடகங்களில் தகவல் வெளியிடப்பட்டிருந்தது.
தமிழீழ விடுதலைப் புலிகளை மீளவும் ஒருங்கிணைக்க முயற்சித்த கஜீபனின் தாயாரை கட்டுநாயக்க விமான நிலையத்தில் வைத்து அதிகாரிகள் தடுத்திருந்தனர்.

தமிழீழ விடுதலைப் புலிகளின் உறவினர்களை இலங்கையிலிருந்து வெளியேற்றி வேறு நாடுகளில் தங்க வைக்க ராஜதந்திர ரீதியான நடவடிக்கைகள் எடுக்கப்பட்டு வருவதாக உயர் பாதுகாப்பு படை அதிகாரி ஒருவர் வெளியிட்ட கருத்து அடிப்படையற்றது என வைட்டிங் தெரிவித்துள்ளார். இந்தக் குற்றச்சாட்டில் எவ்வித உண்மையும் கிடையாது என அவர் சுட்டிக்காட்டியுள்ளாா்.
குறிப்பாக கனேடிய அதிகாரிகள் இவ்வாறு புலிகளின் உறவினர்களை பாதுகாப்பதில் சிரத்தை எடுத்துக் கொள்ளவில்லை என அவர் தெரிவித்துள்ளார்.

இலங்கையில் இடம்பெற்ற அனர்த்தங்களுக்கு தமிழீழ விடுதலைப் புலிகளே பொறுப்பு எனவும், மக்களின் அரசியல் அபிலாஸைகளை பிரதிபலிக்கவில்லை எனவும் தாமும் கனேடிய அரசாங்கமும் கருதுவதாகத் தெரிவித்துள்ளார்.

2006ம் ஆண்டு முதல் தமிழீழ விடுதலைப் புலிகள் தடை செய்யப்பட்ட இயக்கமாகவே பட்டியலிடப்பட்டுள்ளதாகவும், 2009ம் ஆண்டு யுத்த வெற்றியை கனடா சர்வதேச நாடுகளுடன் இணைந்து வரவேற்றதாகவும் அவர் தெரிவித்துள்ளார். வீசா விண்ணப்பக் கோரிக்கைகள் மிகவும் நிதானமான முறையில் துல்லியமாக ஆராயப்படுவதாகக் குறிப்பிட்டுள்ளார்.

கனடாவின் குடிவரவு மற்றும் புகலிடக் கோரிக்கையாளர் பாதுகாப்பு சட்டங்களின் அடிப்படையிலேயே வீசா வழங்கப்படுகின்றது என அவர் தெரிவித்துள்ளார். போலியான தகவல்கள் வழங்கப்பட்டிருந்தால் அவ்வாறானவர்களுக்கு வழங்கப்பட்ட வீசா ரத்து செய்யப்படும் என வைட்டிங் தெரிவித்துள்ளார்.
READ MORE - புலிகள் இயக்க உறுப்பினர்கள் நாட்டை விட்டு வெளியேற கனடா ஆதரவளிக்கவில்லை!

புலிகளின் தலைவர் தந்தை காணிக்கும் ஆப்பா…..

யாழ்ப்பாணம், வல்வெட்டித்துறை பகுதியிலுள்ள விடுதலைப் புலிகளின் தலைவர் பிரபாகரனின் தந்தை வேலுப்பிள்ளைக்கு சொந்தமான காணியை, அதேயிடத்தைச் சேர்ந்த ஒருவர் உரிமை கோரி நீதிமன்றத்தில் வழக்கு தாக்கல் செய்துள்ளார் என வடமாகாண சபை உறுப்பினர் எம்.கே.சிவாஜிலிங்கம் தெரிவித்தார்.

யாழ்ப்பாணம் ரில்கோ விருந்தினர் விடுதியில் வியாழக்கிழமை (30) இடம்பெற்ற ஊடகவியலாளர்கள் சந்திப்பின் போதே அவர் மேற்கண்டவாறு தெரிவித்தார்.
இது தொடர்பில் அவர் மேலும் கூறியுள்ளதாவது,

‘வல்வெட்டித்துறை நகரசபைக்கு பொது விளையாட்டு மைதானம் தேவையென்ற நோக்குடன் 2000ஆம் ஆண்டு திட்டம் ஒன்று செயற்படுத்தப்பட்டது. இந்த திட்டத்தில் 238 பரப்பளவு காணி மைதானத்திற்கு தேவையென்ற ரீதியில் திட்டம் வகுக்கப்பட்டது.
இந்த திட்டத்துக்கு சில பொதுமக்கள் தங்கள் காணிகளை நன்கொடையாக வழங்கினார்கள். அத்துடன், அதனை அண்டியிருந்த காணிகளும் இணைக்கப்பட்டன. அதற்கு எவரும் எதிர்ப்பு தெரிவிக்கவில்லை. நன்கொடை காணிகளில் விடுதலைப் புலிகளின் தலைவர் பிரபாகரனின் தந்தை வேலுப்பிள்ளையின் காணியும் உள்ளடங்குகின்றது.

தற்போது, 238 பரப்பளவு காணியில் ஒரு பகுதி விளையாட்டு மைதானமாக இருக்கின்றது. மிகுதி அப்பகுதி மக்களால் விவசாயம் செய்யப்படுகின்றது. விவசாயம் செய்பவர்களிடமிருந்து குத்தகை பணத்தை வல்வெட்டித்துறை நகரசபை முன்னர் பெற்று வந்தபோதும், தற்போது குத்தகை பணம் பெறப்படுவதில்லை. காணி நிர்வாகத்திலிருந்து வல்வெட்டித்துறை நகரசபை ஒதுங்கி வருகின்றது. இந்நிலையில், பிரபாகரனுடைய தந்தையின் காணியின் ஒரு பகுதி தன்னுடையது எனக்கூறி அதே பகுதியைச் சேர்ந்த ஒருவர் 2000ஆம் ஆண்டு பருத்தித்துறை மாவட்ட நீதிமன்றத்தில் வழக்குத்தாக்கல் செய்துள்ளார்.

இந்த வழக்கு கடந்த 14 வருடங்களாக நடைபெற்று வருகையில், வல்வெட்டித்துறை நகர சபையின் தற்போதய தவிசாளர் எஸ்.அனந்தராஜ் மேற்படி காணிகள் நகரசபைக்கு தேவையில்லையென நீதிமன்றத்திற்கு கடிதம் அனுப்பியுள்ளார். இதனால், விளையாட்டு மைதான காணியானது உரிமை கோரும் நபரிற்கு செல்லவுள்ளது. இந்த வழக்கிற்கான தீர்ப்பு 2015ஆம் ஆண்டு பெப்ரவரி மாதம் வழங்கப்படவுள்ளது.

விளையாட்டு மைதான திட்டத்திலுள்ள ஒரு காணி இவ்வாறு மீண்டும் உரிமையாளர்களிடம் சென்றால் மற்றய காணிகளையும் மக்கள் தங்களுக்கு திரும்ப தரும்படி கூறுவார்கள். இதனால், வல்வெட்டித்துறை நகர சபைக்கு மைதானம் இல்லாமல் போகக்கூடிய நிலை ஏற்படும் என அவர் மேலும் தெரிவித்தார்.
READ MORE - புலிகளின் தலைவர் தந்தை காணிக்கும் ஆப்பா…..

வடக்கில் ரூ.100 மில்லியன் ஊழல்: சுரேஸ்

வடமாகாணத்தில் 100 மில்லியன் ரூபாவை, நெல்சிப் திட்டத்தில் பணியாற்றிய பொறியியலாளர் ஒருவர் ஊழல் செய்துள்ளார் என தமிழ்த் தேசிய கூட்டமைப்பின் நாடாளுமன்ற உறுப்பினர் சுரேஸ் பிரேமசந்திரன் தெரிவித்துள்ளார்.

யாழ். ஊடக அமையத்தில் இன்று வியாழக்கிழமை (30) இடம்பெற்ற ஊடகவியலாளர்கள் சந்திப்பின் போதே அவர் மேற்கண்டவாறு குறிப்பிட்டார்.

இது தொடர்பில் அவர் அங்கு மேலும் கூறியதாவது,
 'உலக வங்கியின் 3,500 மில்லியன் ரூபாய் உதவியில், நெல்சிப் திட்டத்தின் கீழ் கடந்த 2010ஆம் ஆண்டு தொடக்கம் 2014ஆம் ஆண்டு வரையில் வட மாகாணத்தில் 120 வேலைத்திட்டங்கள் முன்னெடுக்கப்பட்டன.

இந்த வேலைத்திட்டங்களை மேற்கொள்ளும் போது ஒவ்வொரு மாவட்டத்திற்கும் ஒரு பொறியியலாளர் நியமிக்கப்பட்டு வேலைத்திட்டங்கள் மேற்கொள்ளப்படவேண்டும் என உலக வங்கி கூறியிருந்தது. எனினும் வடமாகாண பிரதம செயலாளர் விஜயலட்சுமி ரமேஸ், நெல்சிப் திட்டத்தின் வட மாகாணத்திலுள்ள ஐந்து மாவட்டங்களையும் உள்ளடக்கிய பணிகளுக்காக  ஸ்டெயிலாநாதன் என்பவரை நியமித்துள்ளார்.

இந்த பொறியியலாளர் அபிவிருத்தி வேலைத்திட்டங்களில் நிபுணத்துவ தகவல்களை வழங்கும் பொறுப்பை மாத்திரம் மேற்கொள்ள முடியும். இருந்தும், அவர் அதற்கு மேலதிகமாக ஒப்பந்தகாரர்களின் ஒப்பந்த சபையின் தலைவராகவும் கடமையாற்றியுள்ளார்.

அத்துடன், தனது தந்தை மற்றும் நண்பன் ஆகியோரின் பெயர்களில் ஸ்கைலொப் என்ற கட்டிட நிர்மாண நிறுவனம் ஒன்றை ஆரம்பித்து, அந்நிறுவனத்தினூடாக பெரும்பாலான வேலைத்திட்டங்களையும் முன்னெடுத்துள்ளார். மேலதிகமாக, ஐந்து வரையான ஒப்பந்த நிறுவனங்களுக்கு மட்டுமே அவர் அனுமதியை வழங்கியுள்ளார்.

அத்துடன், இந்த வேலைத்திட்டத்தில் மூலப்பொருட்களை பரிசோதிக்கும் அதிகாரியாக இருந்தவருக்கு, அந்த பணியை மேற்கொள்வதற்கான அனுமதியை அவர் வழங்கவில்லை. திட்டத்தின் கீழ் நிர்மாணிக்கப்பட்ட கட்டிடங்களின் ஜன்னல் கதவுகள் அமைப்பதற்கு 25 ஆயிரம் ரூபாய் செலவு ஏற்பட்ட போதிலும் அதற்கு 45 ஆயிரம் ரூபாய் கணக்கு காட்டியுள்ளார்.

மேலும், மந்திகை சந்தையில் பொதுமக்கள் தறித்த 3 மரங்களை, தான் தறித்ததாக கூறி 6 இலட்சத்து 68 ஆயிரத்து 660 ரூபாய் கணக்கு காட்டியுள்ளார். இவ்வாறு பல ஊழல்கள் செய்து 100 மில்லியன் ரூபாய் வரையில் மோசடி செய்துள்ளார்.

இந்த ஊழல் நடவடிக்கையை கணக்காய்வு நிறுவனம் ஒன்று கண்டுபிடித்து பொருளாதார அபிவிருத்தி அமைச்சுக்கு அனுப்பி வைத்துள்ளது. அதனைத் தொடர்ந்து அவரை ஆளுநர் பணி நீக்கம் செய்துள்ளார்.
ஊழல்கள் செய்ததில் உள்ளுராட்சி ஆணையாளர் மற்றும் உதவி ஆணையாளர் ஆகியோருக்கும் பங்குகள் இருக்கின்றன. அவர்களின் உதவிகள் இல்லாமல் செய்திருக்க முடியாது. அதிலும் பிரதம செயலாளருக்கு தெரியாமல் இவ்வாறானதொரு ஊழல் இடம்பெற்றிருக்க வாய்ப்பில்லை.

மேற்படி பொறியியலாளர் தான் செய்த ஊழல் மூலம் 10 மில்லியன் ரூபாய் பெறுமதியில் காணியொன்றை வாங்கி, அதில் 10 மில்லியன் ரூபாய் பெறுமதியுடைய வீடு ஒன்றையும் நிர்மாணித்துள்ளார். அத்துடன், 5 மில்லியன் ரூபாய் பெறுமதியில் சொகுசு கார் மற்றும் மனைவியின் பெயரில் 5 மில்லியன் ரூபாவை வைப்பிலிட்டுள்ளார்.

இவரிடம் தற்போது 30 மில்லியன் ரூபாய் காணப்பட்டால், ஊழல் செய்யப்பட்ட மிகுதி 70 மில்லியன் ரூபாய் நிதியும் எங்கே என்பது தெரியவில்லை. இதன்மூலம் ஏனைய அரச அதிகாரிகளுக்கும் இந்த ஊழலில் பங்கு இருப்பது தெரியவருகின்றது.

இது தொடர்பான விசாரணைகளை நடத்துவதற்கு வடமாகாண ஆளுநர் ஜி.ஏ.சந்திரசிறி பொலிஸாருக்கு அனுமதி வழங்கி பொலிஸார் மூலம் விசாரணைகள் முன்னெடுக்க வேண்டும்.  பொலிஸார் மேற்கொள்ளும் விசாரணைகளை அவர் கண்காணிக்க வேண்டும். மாறாக இவ்விடயம் மூடி மறைக்கப்பட்டால் ஆளுநருக்கும் இந்த ஊழலில் பங்கு இருப்பதாக நாங்கள் பகிரங்கமாக அறிவிக்க வேண்டி வரும்.

யுத்தத்தால் பாதிக்கப்பட்ட வடக்கு மாகாணத்தில் ஆயிரத்துக்கும் மேற்பட்ட வீதிகள் புனரமைப்பட வேண்டிய நிலையில் இருக்கின்றன. இதில் பல வீதிகள் மக்கள் நடந்து செல்ல முடியாத நிலையில் இருக்கின்றன. அதில் இவ்வாறு 100 மில்லியன் ரூபாய் ஊழல் செய்தால் எவ்வாறு அபிவிருத்திகளை முன்னெடுப்பது. இவ்வாறு ஊழல் செய்யும் அதிகாரிகள் தமிழ் மக்களுக்கு வேண்டாம்.

உள்ளுராட்சி ஆணையாளர் மற்றும் உதவி ஆணையாளர் ஆகியோர் தகுதியற்றவர்கள் என்றும் அவர்களை மாற்றுமாறு முதலமைச்சர் சி.வி.விக்னேஸ்வரன் வடமாகாண ஆளுநருக்கு கடிதம் மூலம் அறிவித்தும் ஆளுநர் இது தொடர்பில் நடவடிக்கை எடுக்கவில்லை' என சுரேஸ் எம்.பி மேலும் தெரிவித்தார்.
READ MORE - வடக்கில் ரூ.100 மில்லியன் ஊழல்: சுரேஸ்

ஒரு வாரகால துக்கதின அனுஷ்டிப்புக்கு மனோ அழைப்பு

30.10.14

பதுளை - கொஸ்லாந்தை - மீரியபெத்த தோட்ட கிராமத்தில் இடம்பெற்ற பாரிய இயற்கை அனர்த்தத்தில் உயிரிழந்த மலையகத்து உடன்பிறப்புகளுக்கு  அஞ்சலி செலுத்தும் முகமாக, எமது இல்லங்களிலும், அலுவலகங்களிலும் வெள்ளைக் கொடிகளை பறக்க விட்டு, கறுப்பு நிற உடை அணிந்து, இன்று வியாழக்கிழமை 30ஆம் திகதி முதல் ஒரு வார காலத்தை, சோக வாரமாக அனுஷ்டிப்போம் என ஜனநாயக மக்கள் முன்னணியின் தலைவர் மனோ கணேசன் வேண்டுகோள் விடுத்துள்ளார்.
 

இந்த வேண்டுகோளில் மேலும் தெரிவிக்கப்பட்டுள்ளதாவது,
 
மரணித்தவர்களின் ஆத்மா சாந்தியடைய பிரார்த்திக்கும் அதேவேளை, துன்பத்தில் வீழ்ந்தவர்களுக்கு உதவிட தயாராவோம்.
நமது மக்களை காவு கொண்ட இயற்கை, மீட்புப் பணிகளையும் முன்னெடுக்க தடை போடுகிறது. மீட்புப் பணிகளிலே படைத்துறையினர் உட்பட இடர்நிவாரண பணியாளர்கள் ஈடுபட்டுள்ளனர்.
இந்த  மீட்புப் பணிகள் இடையூறு இல்லாமல் நடைபெறவும், காயமடைந்தவர்கள் சிகிச்சை பெறவும், அநாதரவானவர்கள் அடைக்கலம் பெறவும் எம்மால் இயன்ற அனைத்து ஒத்துழைப்புகளையும், அனைத்து பேதங்களையும் புறந்தள்ளிவிட்டு வழங்க தயாராவோம்.
 
எமது உணர்வுகளை வெளிக்காட்ட எமது இல்லங்களிலும், அலுவலகங்களிலும், வர்த்தக நிலையங்களிலும்  வெள்ளை கொடிகளை பறக்க விட்டு, கருப்பு நிற உடை அணிந்து இன்று வியாழக்கிழமை முதல் ஒரு வார காலத்தை, சோக வாரமாக அனுஸ்டிப்போம். அதேவேளை நிவாரண உதவிகள் பற்றிய தெளிவான கோரிக்கைகள் கிடைத்தவுடன், அந்த தேவைகளை வழங்க எங்களால் இயன்ற அனைத்து ஒத்துழைப்புகளையும் வழங்குவோம்.
READ MORE - ஒரு வாரகால துக்கதின அனுஷ்டிப்புக்கு மனோ அழைப்பு

குளியலறையில் ஐஸ்கிறீம் நிலையம்

யாழ் நகர்ப்பகுதியில் மிகவும் சுகாதாரச் சீர்கேடான முறையில் இயங்கி வந்த ஜுஸ் உற்பத்தி நிலையம் யாழ் நீதிமன்றினால் சீல் வைத்து மூடப்பட்டது. அண்மையில் இவ்வுற்பத்தி நிலையத்தினை சுற்றிவளைத்த சுகாதாரத் திணைக்களத்தின் விசேட குழுவினர் இங்கு மிகவும் சுகாதாரச் சீர்கேடான முறையில் ஜுஸ் உற்பத்தி நடைபெறுவதைக் கண்டுபிடித்தனர். சிறிய வீடு ஒன்றில் தொலைத்தொடர்பு நிலையம், புகைப்பட நிலையம் என்பவற்றுடன் குளியலறையில் ஜுஸ் உற்பத்தியும் நடைபெறுவது கண்டுபிடிக்கப்பட்டது. அசுத்தமான நீரில் மருத்துவச் சான்றிதழ் எதுவும் பெறப்படாமல் உற்பத்தி நடைபெற்று வந்துள்ளது. இந்நடவடிக்கையின் போது பெருமளவிலான ஜுஸ் பக்கற்றுக்கள் நீதிமன்றினால் மனிதப் பாவனைக்கு உதவாதவை என முடிவுசெய்யப்பட்டு அழிக்கப்பட்டன. இதன் போது கைப்பற்ற ஜுஸ் உற்பத்திக்குப் பாவிக்கப்படும் வாசனைத் திரவியம் கிருமிநாசினிப் போத்தலில் சேமிக்கப்பட்டிருந்தது. இவ்வாறான உற்பத்திப் பொருட்களினால் பெரும்பாலும் சிறுவர்களே பாதிப்படைவதாகவும் இவ்வாறான தொடர்நடவடிக்கைகளை விரைவாக நடாத்தும்படியும் வழக்கை விசாரித்த நீதிபதி தெரிவித்தார்.
READ MORE - குளியலறையில் ஐஸ்கிறீம் நிலையம்

மன்னன் இராவணனிடம் விமானம் இருக்கவில்லை

29.10.14

மன்னன் இராவணனிடம் விமானங்கள் மற்றும் ஏனைய உபகரணங்கள் இருந்ததாக தெரிவிக்கப்படுவதை உறுதி செய்யும் சாட்சியங்கள் இல்லை என்று இலங்கையின் அகழ்வாராட்சி திணைக்களம் தெரிவித்துள்ளது. கொழும்பில் நேற்று நடைபெற்ற செய்தியாளர் சந்திப்பின் போது திணைக்களத்தின் தலைவர் செனரத் திஸாநாயக்க இந்த தகவலை வெளியிட்டார். இராவணன் 300ஆம் நூற்றாண்டில் இலங்கையில் வாழ்ந்ததாக தெரிவிக்கப்படுகிறது. இதன்போது அவரிடம் விமானங்கள் மற்றும் தொழில்நுட்ப உபகரணங்கள் இருந்ததாகவும் கதைகளில் தெரிவிக்கப்பட்டுள்ளது. எனினும் இதனை உறுதிப்படுத்தக்கூடிய சாட்சியங்கள் எதனையும் கண்டறியமுடியவில்லை என்று திஸாநாயக்க தெரிவித்தார். கம்பராமாண கதைகளின்படி இராவணன் புட்பக விமானத்தை பயன்படுத்தியே சீதையை கடத்திச்சென்றதாக தெரிவிக்கப்பட்டுள்ளமை இங்கு குறிப்பிடத்தக்கது
READ MORE - மன்னன் இராவணனிடம் விமானம் இருக்கவில்லை

இளைஞனின் உயிரைப் பறித்த காதல்

28.10.14

அக்கரபத்தனை பொலிஸ் பிரிவிற்கு உட்பட்ட ஹென்போல்ட் பிரிவுக்குட்பட்ட வாழைமலை தோட்டத்தில் இளைஞர் ஒருவர் தூக்கிட்ட நிலையில் சடலமாக மீட்கப்பட்டுள்ளார். வாழைமலை தோட்டத்தைச் சேர்ந்த 22 வயதுடைய ஜெயராம் மோகன்ராஜ் என்ற இளைஞரே இவ்வாறு தூக்கிட்டு உயிரிழந்துள்ளார். குறித்த இளைஞர் இன்று காலை சடலமாக மீட்கப்பட்டுள்ளார். மரண விசாரணைகளின் பின் சடலம் நுவரெலியா மாவட்ட வைத்தியசாலைக்கு பிரேத பரிசோதனைக்காக அனுப்பப்படுவதோடு பிரேத பரிசோதனைகளின் பின் சடலம் உறவினர்களிடம் ஒப்படைக்கப்படும் என வைத்தியசாலை வட்டராங்கள் தெரிவிக்கின்றன. இளைஞரின் தந்தை கொழும்பில் வேலை செய்வதோடு தாய் வெளிநாட்டில் வேலை செய்வதாகவும் நாளை அவர் நாடு திரும்பவுள்ளதாகவும் தெரிவிக்கப்பட்டுள்ளது. காதல் பிரச்சினையே தற்கொலைக்கு காரணம் என சந்தேகிக்கப்படுகிறது. இளைஞன் கடிதம் ஒன்றை எழுதி வைத்துவிட்டு தற்கொலை செய்து கொண்டதாக தெரிவிக்கப்படும் நிலையில் மேலதிக தகவல்கள் பொலிஸ் விசாரணையில் வெளிப்படும் என எதிர்பார்க்கப்படுகிறது.


READ MORE - இளைஞனின் உயிரைப் பறித்த காதல்

16 சிறுமிகளை கொன்ற சுரேந்தர் கோலியின் தூக்கு தண்டனையை சுப்ரீம் கோர்ட் உறுதி செய்தது

டெல்லி புறநகரான நொய்டா அருகே உள்ள நிதாரி கிராமத்தில் கடந்த 2005 மற்றும் 2006–ம் ஆண்டுகளில் சிறுமிகள் மாயமானார்கள். இதில் 16 சிறுமிகள் பலாத்காரம் செய்து கொல்லப்பட்டனர். இந்த வழக்கில் தொழில் அதிபர் மொகிந்தர் சிங், அவரது வீட்டு வேலைக்காரரான சுரேந்தர் கோலி ஆகியோர் மீது குற்றம் சாட்டப்பட்டது.


இது தொடர்பாக சி.பி.ஐ. விசாரணை நடத்தியது. இந்த இருவருக்கும் காசியா பாத் சிறப்பு கோர்ட்டு 2009–ம் ஆண்டு பிப்ரவரி 13–ந் தேதி மரண தண்டனை விதித்தது. இதை எதிர்த்து சுரேந்தர் கோலியும், மொகிந்தர் சிங்கும் அலகாபாத் ஐகோர்ட்டில் மேல் முறையீடு செய்தனர். மனுவை விசாரித்த கோர்ட்டு 2009 செப்டம்பர் 11–ந் தேதி சுரேந்தர் கோலியின் தண்டனையை உறுதி செய்தது.


மொகிந்தர்சிங் விடுதலை செய்யப்பட்டார். தூக்கு தண்டனையை எதிர்த்து சுரேந்தர் கோலி தாக்கல் செய்த மேல் முறையீட்டு மனுக்கள் தள்ளுபடி செய்யப்பட்டன. இதே போல ஜனாதிபதியும் கருணை மனுவை தள்ளுபடி செய்தார். இதனையடுத்து சுரேந்தர் கோலியை செப்டம்பர் 8-ந்தேதி தூக்கில் போட ஜெயில் அதிகாரிகள் திட்டமிட்டிருந்தனர். இதற்காக காசியாபாத்தில் உள்ள தஸ்னா சிறையில் இருந்து மீரட் ஜெயிலுக்கும் கொண்டுசெல்லப்பட்டார்.


இவ்வழக்கில் தூக்குத்தண்டனை பெற்ற சுரேந்தர் கோலி, கடந்த செப்டம்பர் 8-ந் தேதி தூக்கு தண்டனைக்கு எதிராக மறுசீராய்வு மனுவை உச்சநீதிமன்றத்தில் தாக்கல் செய்தார். இதனை ஏற்ற உச்சநீதிமன்றம், அவனது தூக்குக்கு இடைக்கால தடை விதித்து உத்தரவிட்டது.


இந்நிலையில் இன்று இவ்வழக்கு விசாரணைக்கு வந்தபோது மறுசீராய்வு மனுவை தள்ளுபடி செய்த நீதிமன்றம் கோலிக்கு விதிக்கப்பட்ட தூக்கு தண்டனையை உறுதி செய்தது.
READ MORE - 16 சிறுமிகளை கொன்ற சுரேந்தர் கோலியின் தூக்கு தண்டனையை சுப்ரீம் கோர்ட் உறுதி செய்தது

தங்க காற்சட்டை அணிந்திருந்த நபர் கட்டுநாயக்கவில் கைது

26.10.14


தங்கம் வைத்து தைக்கப்பட்ட காற்சட்டையை அணிந்து சென்ற இலங்கையரொருவர் இன்று அதிகாலை கட்டுநாயக்க விமான நிலையத்தில் வைத்துக் கைது செய்யப்பட்டுள்ளதாக தெரிவிக்கப்படுகிறது.

இந்தியாவை நோக்கி பயணிக்கவிருந்த கொழும்பு, குணசிங்கபுரத்தை சேர்ந்த 34 வயதான புடவைக்கடை வர்த்தகரே இவ்வாறு கைது செய்யப்பட்டுள்ளதாக சுங்கத் திணைக்களத்தின் பேச்சாளர் குறிப்பிட்டார்.
குறித்த நபர் மேலும் சில தங்கத்துண்டுகளை மலவாயில் மறைத்து வைத்துக் கொண்டு செல்ல முயற்சித்துள்ளார்.
குறித்த நபரிடமிருந்த தங்கத் துண்டுகள் பறிமுதல் செய்யப்பட்டுள்ளன.
அவற்றின் நிறை 289கிராம் என்றும் அதன் பெறுமதி 14 இலட்சத்து 5 ஆயிரத்து 200 ரூபாய் என்றும் அவர் தெரிவித்தார்.
சந்தேகநபர் இலங்கை விமான சேவைக்கு சொந்தமான யு.எல்173 என்ற விமானத்திலேயே பெங்களூரை நோக்கி செல்லவிருந்ததாக சுங்கத் திணைக்களத்தின் பேச்சாளர் மேலும் குறிப்பிட்டார்.
READ MORE - தங்க காற்சட்டை அணிந்திருந்த நபர் கட்டுநாயக்கவில் கைது

கார் விபத்தில் காயமின்றி தப்பினார் வைகோ!

25.10.14

சிவகங்கை மாவட்டம் காளையார்கோவிலில் உள்ள மருதுபாண்டியர் நினைவிடத்தில் மரியாதை செலுத்தி விட்டு ம.தி.மு.க. பொதுச்செயலாளர் வைகோ  மதியம் திரும்பி வந்து கொண்டிருந்தார். மதுரையை அடுத்த மேலூர் அருகே நான்குவழிச் சாலையில் கத்தபட்டி சுங்கசாவடி வழியாக வந்தார்.

 அவரது காரை பின்தொடர்ந்து 5-க்கும் மேற்பட்ட கார்களில் ம.தி.மு.க. நிர்வாகிகளும் வந்தனர்.
வெள்ளரிபட்டியை அடுத்து வந்த போது ரோட்டின் குறுக்கே திடீரென்று ஒரு மாடு குறுக்கிட்டது. இதை பார்த்ததும் மாடு மீது மோதாமல் இருக்க வைகோ வந்த காரை டிரைவர் திடீரென பிரேக் பிடித்து நிறுத்தினார்.

அப்போது பின்னால் வந்த அவரது ஆதரவாளர்களின் கார்கள் வரிசையாக ஒன்றன்பின் ஒன்றாக வைகோவின் கார் மீது மோதின. இதனால் வைகோ காரின் பின்பகுதி லேசாக சேதமடைந்தது.

 அதிர்ஷ்டவசமாக அவர் காயமின்றி தப்பினார். கார்களுக்கு மட்டுமே சிறு சேதம் ஏற்பட்டதால், வைகோ மற்றும் அவரது ஆதரவாளர்கள் மதுரைக்கு பயணத்தை தொடர்ந்தனர்.
READ MORE - கார் விபத்தில் காயமின்றி தப்பினார் வைகோ!